کیوەی نەمروود ها له ۴۰ کیلومتری شار کاهتای ئوستان ئادیەمان کوردستان تِرکیه ده بان ئی کیوه یەێ سایت وه شێوەی هلنی یان یونانی تراشیگه وه پەکەر پاشایێگ وه ناو ئانتیخوس یەکەم که شاێ حکومەت کوماژن بیوه وەرد پەیکەر چەن کەس ترەک که سەریان وە شێوەی پیاگ و ژن و سەرباز و شێر و ئەڵیوه یا عوقاب تراشیاگ ده بان کیوه وه رزەو نریاگه. ده زوان فارسی وەێ ئیوشن کیوەێ ئافریدون چون ئەوسا دە زەمان قەدیم وه نەمروود وتریاگه فەرەیدون.
پاشایەتی کوماژن ده ساڵ ۱۰۹ پێش ده زایین مەسیح ده شِماڵ زاگروس و جنوب شەرق ئاناتولی یەێ پاشایەتی سەروەخوەێ بیوه که مەردم و هوزەیل و ئایینەیل و فەرهەنگەیل جیا جیا وه دەور یەکەو کو کردیو. پاشای ئی شارستانیەتیه وه هەدەف بتەو کردن پێوەند خودایەیل و ئارامی داین وه مەردم پەرەستگایەیل ده جیەیل جیاواز ده وڵات دروس کرد. ئی پەرەستگای نەمرووده یەکێ دەیانه. پاشا ئانتیوخوس یەکەم ئەڕا نیشان داین سپاس و رێز خوەێ وه دەرگای خودا و ئەڕا نیشان دان دوسی و خۆشەویستی ئەسپەیلێ ئی پەیکەرەیل یادگاریه و ئی کوچگەر هەڵکەنریاگه دروس کردگه. که گشتیان ئاسەوار سەردەوم و دەورەێ هلنی یان یونانین.
- نویسنده : احسان محمدرحیمی
